உன் நினைவு
எனக்கு வருவதே இல்லை !
உண்மைதான்.....?!
நான் உடுத்தும் உடையாய் !
உண்ணும் உணவாய் !
பருகும் நீராய் !
சுவாசிக்கும் காற்றாய் !
விரும்பி கேட்கும்
எனக்கு பிடித்த பாடலாய் !
என் பேருந்து பயணத்தில்
ஜன்னலோர சீட்டாய் !
என்னுடன் பேசி பின்னோக்கி
நகரும் மரங்களாய் !
ரசித்து நனைந்து மகிழும்
குளீர் மழையாய் !
என் தோட்டத்தில் தினம்
பூக்கும் ரோஜா மலராய் !
வாசலில் போடும் கோலமாய் - அதில்
உன் பெயரே புள்ளியாய்
மாலையில் வீட்டு பந்தலில்
மலர்ந்த நித்யமல்லியாய் !
கவிதை எழுதும் பேனாவாய் - அந்த
கவிதை எழுதும் பேனாவாய் - அந்த
பேனா எழுதும் கவிதையாய்
அனைத்திலும் மெய்யாய், உருவாய்,
நீயாய் காண்கிறேன் - தனியே
இனம் பிரித்து நினைக்க
அறியேன் நான்.....!!
என்னில் கலந்து, கரைந்து,
மறைந்து போன உன்னை
நீயே தேடினாலும்
கிடைக்க மாட்டாய்.....?!!
No comments:
Post a Comment