சில சமயங்களில்...

சில சமயங்களில்...

அவளுக்காகவே

‌செடியில் பூக்கள் பூக்கிறது

சிலசமயம் நிலவுகளும்...! 

அவள் நடக்கையில்

பூக்களை தூவுகிறது பூமரங்கள்

சிலசமயம் இலைகளை...!

அதிகாலை விடியலில் பிரகாசிக்கும்

அவளின் முகம்

சிலசமயம் சூரியன்...!

வருடும் தென்றலாய்

அவளின் பார்வைகள்

சிலசமயம் புயலாய்...!

கூர்மையான விழிகளால்

‌அதிகம் பேசுவாள்

சிலசமயம் மொழிகளால்...!

என் கவிதைகளுக்கு

அவள் தான் கருப்பொருள்

சிலசமயம் தமிழ்...!

 

தினமும் அவளுக்காகவே

சுவாசிக்கிறேன்

சிலசமயம் எனக்காகவும்...!

அவளின் புன்னகைகள்

புதிராகவே இருக்கும்

சிலசமயம் அழுகைகள்...!

மகிழ்ச்சியும் சந்தோஷமும்

எங்களின் துணைகள்

சிலசமயம் ஊடல்கள்...!

நான் சிந்தும்

வியர்வையும் கண்ணீரும் அவளுக்காகவே

சிலசமயம் உதிரங்கள்...!

மனைவியாய் அவளை

நேசிக்கிறேன் சுவாசிக்கிறேன்

சிலசமயம் தாயாய்...!