அவள் நினைவுகள்

http://www.youtube.com/watch?feature=player_embedded&v=wRkBGFDOuyU

நான் தெரிந்துகொண்டேன்

என் முகம் காண மறுக்கும் 

உன் விழியில்… 
என் காதோடு பேச மறுக்கும் 
உன் குரலில்…
என் நினைவை நினைக்க மறுக்கும் 
உன் நினைவில்… 

என் துடிப்பை உணர மறுக்கும் 
உன் மனதில்… 
என்னையே மறக்க நினைக்கும் 
உன்னில்… 
நான் தெரிந்துகொண்டேன்….. 
என்னை நீ வெறுத்து சென்றதை.. 
என் உயிரை உன்னோடு எடுத்து சென்றதை..

பிரிவு

சிரிக்கக் கற்றுக்கொடுத்தாய் ..... 
அழகை ரசிக்கக் கற்றுக்கொடுத்தாய் .... 
பூக்களை நேசிக்க கற்றுக்கொடுத்தாய் .... 
கவிதை எழுத கற்றுக்கொடுத்தாய் .... 
இசையை கேட்க கற்றுக்கொடுத்தாய் .... 
பொய் சொல்லக் கற்றுக்கொடுத்தாய் ..... 
குடும்பத்தை மறக்கக் கற்றுக்கொடுத்தாய் .... 
காதல் உண்ணர்வுகளை கற்றுக்கொடுத்தாய் .... 
என்னையே மறந்து உன்னை

காதலிக்கக் கற்றுக்கொடுத்தாய் .... 
ஏனடி உன்னுடைய பிரிவை தாங்கும் சக்தியை 
மட்டும் கற்றுக்கொடுக்காமல் செல்கிறாய் ...... 

மறக்கத்தான் நினைக்கிறேன்

உன்னை கண்டபோது புதைந்துபோன 
நினைவுகள் எல்லாம் மலர்கிறது 
புதிய மலராய்......... 
மறக்கத்தான் நினைக்கிறேன்

கடந்து போன காலங்களை..

சிதைந்து போன வாழ்வை..

கருகி போன காதலை..

மனதில் உள்ள காயங்களை.. 
கல்லறை கண்ட நேசத்தை...

மறக்கத்தான் நினைக்கிறேன்

முடியவில்லை..............!!!!!!!!

உறையாத உன் நினைவுகளால்

நீ என்னைப் பிரிந்து போகையில் 

உறைந்து போனது என் இரத்தம் 
ஆனாலும் உறையாத உன் நினைவுகளால் 
இன்னும் இயங்கிக் கொண்டிருக்கிறது 
என் இதயம்.............

சில சமயங்களில்...

சில சமயங்களில்...

அவளுக்காகவே

‌செடியில் பூக்கள் பூக்கிறது

சிலசமயம் நிலவுகளும்...! 

அவள் நடக்கையில்

பூக்களை தூவுகிறது பூமரங்கள்

சிலசமயம் இலைகளை...!

அதிகாலை விடியலில் பிரகாசிக்கும்

அவளின் முகம்

சிலசமயம் சூரியன்...!

வருடும் தென்றலாய்

அவளின் பார்வைகள்

சிலசமயம் புயலாய்...!

கூர்மையான விழிகளால்

‌அதிகம் பேசுவாள்

சிலசமயம் மொழிகளால்...!

என் கவிதைகளுக்கு

அவள் தான் கருப்பொருள்

சிலசமயம் தமிழ்...!

 

தினமும் அவளுக்காகவே

சுவாசிக்கிறேன்

சிலசமயம் எனக்காகவும்...!

அவளின் புன்னகைகள்

புதிராகவே இருக்கும்

சிலசமயம் அழுகைகள்...!

மகிழ்ச்சியும் சந்தோஷமும்

எங்களின் துணைகள்

சிலசமயம் ஊடல்கள்...!

நான் சிந்தும்

வியர்வையும் கண்ணீரும் அவளுக்காகவே

சிலசமயம் உதிரங்கள்...!

மனைவியாய் அவளை

நேசிக்கிறேன் சுவாசிக்கிறேன்

சிலசமயம் தாயாய்...!

என்னவளுக்கு இனிய பிறந்தநாள் வாழ்த்துகள் !!!

தனிமை என்பது நேற்றானது
உன் வருகை என்பது இன்றானது
இனி வாழ்க்கை என்பது உன்னோடு தான்

இதை வரமாய் தந்த, நாள் இன்று தான்
என் தேவதை உனை எனக்கு தந்த
என் தேவன் அவனுக்கு முதல் நன்றி

உயிர் நீ இன்று உதித்ததனால்
என் மெய் என்பதிங்கு உலவுதடி
என்னுள் துடிக்கும் ஓர் உயிராய்
என்றும் இருக்கும் கண்மணியே..

புது அழகிய மலரே நீ என்றும்
புன்னகை பூத்து குலுங்க என் வாழ்த்து
என் காலம் என்பது முடியும் வரை
உன்னை கண்ணுள் வைத்து காத்திருப்பேன்.

இந்த கன்னித் தமிழால் என்னவளுக்கு
உன் காதலன் எழுதும் வாழ்த்து மடல்
சின்னக் கவிதை உனை வாழ்த்த
இந்த ஒரு ஜென்மம் எனக்கு போதாதடி

என்னவளுக்கு இனிய பிறந்தநாள் வாழ்த்துகள் !!!

தேவதையின் பிறந்தநாள்

இன்றைய வானிலை நிலவரம்

பார்த்தாயா “இன்று தென்றல் வீசுமாம்…

இன்றைய நாளை பார்த்து மற்ற

364 நாட்களுக்கும் பொறாமை…

பூக்கள் எல்லாம் தவம் கிடக்கின்றன

இன்று எப்படியாவது உன் கூந்தலில்

சூடி விடப்பட வேண்டும் என்று …

உன் வீட்டு கண்ணாடி இன்று தன்னை

அழகு படுத்தி கொள்கிறது

அழகியான நீ இன்று பேரழகியாய்

அதன் முன்பு நிற்க்கையில்

உடைந்து விடாமல் இருக்க ..

இன்று நீ உடுத்தப்போகும் உடை

பெட்டியில் உள்ள மற்ற உடைகளை

பார்த்து கேலி செய்கிறது…..

இன்று நீ நடக்கப்போடும் பாதை

தனக்கு தானே அழகு வர்ணம்

புசிக்கொள்கிறது உன்னை வரவேற்க..

இன்று நீ பயணம் செய்யும் பேருந்துக்கு

ராஜ மரியாதையை தான் மற்ற

பேருந்துகள் மத்தியில்…

நேற்றே அரசு அறிவித்து விட்டது

இன்று உன் வசிகரிக்கும் கண்களை

பார்ப்பது தவிர்க்கப்பட வேண்டும் என்று

தேவதைகள் எல்லாம் ஒன்றாக கூடி

ஒருமனதாக முடிவு எடுத்து

விட்டார்கள் இன்று தேவதைகள்

தினமாக கொண்டாட …

எனக்கு இன்னும் பிரம்மிப்பாக இருக்கிறது

உன் பிறந்த நாள் அன்று தேவதை நீ

இவ்வளவு மாற்றத்தை எற்படுத்தும் போது

நீ பிறந்த அன்று எவ்வளவு மாற்றத்தை

எற்படுத்தி இருப்பாய்.

நியாயப்படி அதிக பிறந்த நாள் கொண்டாடினது

நானாக தான் இருக்க வேண்டும் ..

ஏனென்றால் உன்னை பார்க்கும்

ஒவ்வொரு நாளும் நான் தானே

புதிதாய் பிறந்து கொண்டு இருக்கிறேன்

உயிரே நீயாய்....!

உன் நினைவு

எனக்கு வருவதே இல்லை !

உண்மைதான்.....?!

நான் உடுத்தும் உடையாய் !

உண்ணும் உணவாய் !

பருகும் நீராய் !

சுவாசிக்கும் காற்றாய் !

விரும்பி கேட்கும்

எனக்கு பிடித்த பாடலாய் !

என் பேருந்து பயணத்தில்

ஜன்னலோர சீட்டாய் !

என்னுடன் பேசி பின்னோக்கி

நகரும் மரங்களாய் !

ரசித்து நனைந்து மகிழும்

குளீர் மழையாய் !

என் தோட்டத்தில் தினம்

பூக்கும் ரோஜா மலராய் !

வாசலில்  போடும் கோலமாய் - அதில்

உன் பெயரே புள்ளியாய்

மாலையில் வீட்டு பந்தலில்

மலர்ந்த நித்யமல்லியாய் !
கவிதை எழுதும் பேனாவாய் - அந்த

பேனா எழுதும் கவிதையாய்

அனைத்திலும் மெய்யாய், உருவாய்,

நீயாய் காண்கிறேன் - தனியே

இனம் பிரித்து நினைக்க

அறியேன் நான்.....!!

என்னில் கலந்து, கரைந்து,

மறைந்து போன உன்னை

நீயே தேடினாலும்

கிடைக்க மாட்டாய்.....?!!

NEVER

NOBODY KNOWS

உன்னவன்

முதல் காதல் கடிதம்....

அன்புள்ள .....''.....................''....வுக்கு 

நான் உன்னை முதல் முதல் பார்த்ததுமே

எனக்குள் காதல் மாற்றங்கள் ஏற்ப்படுவதை உணர்ந்தேன்

''ஆம் '' உனக்குள் நான் காதல் வயப்படுகிறேன்

உன்னை பார்த்த முதல் சந்திப்பிலையே

எனக்குள் காதல் வளர ஆரம்பித்து விட்டது.... 

உன் முதல் புன்னகை என்னை சுட்டபோது

என் இதயத்தில் காதல் தீ கொழுந்துவிட்டு எரிந்தது

என் இதயத்தை எரித்த உன் புன்னகை இப்போது

உன் நினைவுகளை புகைத்துக்கொண்டே இருக்கிறது என்னுள்.... 

உன்னை முதல் முதல் பார்க்கும் போது

உங்கள் வீட்டின் கதவோர கட்டன் துணிகளுக்கிடையே

மறைந்து கொண்டு அழகாய் உன் புருவங்களை உயர்த்தி

உன் விழிகளால் நீ பார்த்தபோது உன்னை கண்டு

நான் வெட்க்கப்பட்டு தலை குனிந்தேன்

உனது விழிகளின் பார்வையால் அப்போதே

எனக்குள் காதலை விதைத்து விட்டாய்.... 

உன் அப்பா அம்மா விடம் நான்

கைகுலுக்கி விடை பெற்ற போது

நீ வாசலுக்கருகே நின்று காதல் பார்வைகளால்

என் இதயத்தை வதம் செய்தாயே

அன்று முதல் இன்றுவரை என் இதயம்

உனக்குள் வீழ்ந்து கிடக்கிறது.... 

ஆதலால் உன்னை நான் காதலிக்கிறேன்

நீ ஒருமுறை தான் என் கண்ணில் விழுந்தாய்

ஆனால் என் கண்ணை விட்டு என்றும் பிரியாமல்

பச்சை குத்தப்பட்டு விட்டது உன்முகம்.... 

என் இதயத்தை திருடிய உன்னை

நான் காதலிக்கிறேன் என் காதலை ஏற்றுக்கொள்

உன்னிடம் என்னையும் என்காதலையும் கொடுத்துவிட்டேன்.... 

உன்னிடம் சொல்லிவிட்டேன் என்ற தவிப்பை விட

நீ யாரிடமும் சொல்லிவிட கூடாது என்ற தவிப்பே

என்னை கவலையடைய செய்கிறது.... 

உனக்கு புரிந்திருக்கும் என்ற நம்பிக்கையுடன்

உன் பதிலுக்காக எதிர் பார்த்துக்கொண்டிருக்கிறோம்

நானும் என் காதலும்.... 

இப்படிக்கு

அன்புடன் 

உன் பதிலை எதிர் பார்த்துக்கொண்டிருக்கும் ........!!!!